एआईजी थापा बिदा छोट्याएर बुधबारबाट काममा फर्कने

padma
Shikhar Dental

काठमाडौं – सरकारले नेपाल प्रहरीको महानिरीक्षकमा धिरजप्रताप सिंहलाई नियुक्त गरेपछि असन्तुष्ट बनेका प्रहरी अतिरिक्त महानिरीक्षक सहकुलबहादुर थापा बुधबारबाट काममा फर्कने भएका छन् । मन्त्रिपरिषद्ले सिंहलाई नियुक्त गरेपछि थापाले १० दिनको बिदा स्वीकृत गराएका थिए । सोमबार साँझ गृह मन्त्रालयमा गृहमन्त्री बालकृष्ण खाण र गृहसचिव टेकनारायण पाण्डेलाई भेटेपछि उनले आफू बुधबारबाट काममा फर्कने बताएका हुन् ।

‘म बुधबारबाट संगठनको पूर्ववत काममा फर्कन्छु,’ अतिरिक्त महानिरीक्षक थापाले भने, ‘मंगलबार सरकारी बिदा छ । बुधबार हाजिर गरेर काम सम्हाल्छु ।’
थापा प्रहरीको कार्य विभागका प्रमुख हुन् । कार्य विभाग प्रमुखले निर्वाचन हेर्ने हुनाले थापाले स्थानीय निर्वाचनको प्रमुख भएर काम गरिरहेका छन् । अर्का एआईजी विश्वराज पोखरेल आईजीपी नियुक्तिविरुद्ध अदालत गएका छन् ।

Nawadurga
Leave A Reply

Your email address will not be published.