निर्वाचन आगोगले काठमाडौं महानगरपालिकाका मेयर बालेन्द्र साह (बालेन) र कोमल वलीलाई स्पष्टीकरण सोधेको छ।
हाम्रो नेपाली पार्टीका उम्मेदवारले ‘जय लौरा’ नामक फेसबुक पेजबाट लौरो अभियान सञ्चालन गरेको र त्यस अभियानमा मेयर साहको समेत सहयोग रहेको समाचार प्रकाशित भएपछि आयोगले बालेनलाई स्पष्टीकरण सोधेको हो।
यस्तै, दाङ ३ बाट प्रतिनिधिसभा सदस्यका लागि नेकपा एमालेका उम्मेदवार कोमल वलीले विद्यार्थीसँग भोट मागेको विषयलाई लिएर स्पष्टीकरण सोधेको आयोगले जनाएको छ।
वलीले शुक्रबार दाङको बबई गाउँपालिका १ स्थित सरस्वती जनता माविको प्रांगणमा विद्यार्थीसँग भोट मागेकी थिइन्।
