अत्तरिया – कैलाली क्षेत्र नम्बर ४ ‘ख’ कि स्वतन्त्र उम्मेदवार भगवती ओझा (पाठक) ले चुनाव जित्ने निश्चित भइसकेको बताएकी छिन् ।
बिहिबार अत्तरियामा घरदैलो पछि आयोजित चुनावी सभालाई सम्बोधन गर्दै पाठकले आफू हिक्मतबाली महिला भएकाले कसैको प्रलोभनमा नपरी चुनावमा होमिएकाले जित सुनिश्चित भएको बताइन् ।
‘म एक महिला हो तर, म हिक्मत बाली महिला हो । यहाँ धेरैले प्रलोभन पनि देखाए । म किनिने बेचिने महिला होइन्’ उनले भनीन् ‘अझै पनि धेरैलाई भ्रम होला । यो चुनाव हार्नेबाली छ भनेर । तपाई लेखेर राख्नुस्, म चुनाव जित्छु ।’
उनले स्वविवेकले मतदान गर्न मतदातालाई आग्रह गरीन् । उनले आफूले झूटा आश्वासन दिएर भोट नमागेको दावी गरिन् । उनले भनीन् ‘म जति काम गर्न सक्छु । त्यति मात्रै भन्छु । झूटा आवश्वासन दिएर भ्रम छरेर म भोट माग्दिन् ।’
उनले पार्टीहरुमा पनि महिलाको मुल्याङ्कन नहुने भएकाले आफू स्वतन्त्रबाट चुनावमा होमिएको बताईन् । पाठक यसअघि नेपाली कांग्रेसबाट राजनीति गर्दै आएकी थिइन् ।
