अत्तरिया – कैलालीको गोदावरी नगरपालीका वडा नम्बर १ बाट झन्डै ५ लाख स्रोत नखुलेको भारु सहित एक जना पक्राउ परेका छन ।
बिहीबार (आज) दिउँसो १ बजेको समयमा बिशेष सुचनाको आधारमा ईलाका प्रहरी कार्यालय मालाखेतीबाट प्रहरी निरिक्षिक रबिन्द्र सिंह कार्कीको कमाण्डमा सादा पोषाकमा खटिएको प्रहरी टोलीले वडा नम्बर १ बनखेत बस्ने ३५ बर्षिया रमेश बहादुर तिरूवालाई पक्राउ गरेको हो ।
तिरुवाको घरको कोठा भित्र स्ल्याबमा राखेको श्रोत नखुलेको भारतिय रूपया ४ लाख ७४ हजार पाँच सय समेत बरामद गरेको प्रहरीले जनाएको छ ।
प्रहरीले शंका लागी चेकजाँच गर्दा उनको शरिर र घर भित्र ग्यालरी को भित्तामा रहेको प्वालमा सुपर पावर नामक सुर्तीको कभरमा लुकाई छिपाई राखेको कालो प्लाष्टिक भित्र १७ पोका खैरो हेरोईन जस्तो देखिने धुलो पदार्थ र कालो प्लाष्टिक भित्र १ वटा पोकामा सेतो धुलो पदार्थ समेत गरी २ ग्राम १९० मिलिग्राम समेत बरामद गरेको छ । तिरुवालाई नियन्त्रणमा लिई अनुसन्धान भईरहेको प्रहरीले जनाएको छ ।
