जाजरकोटको कुशे गाउँपालिकाका भूकम्प पिडितहरुलाई राहत सामाग्री सहयोग गरिएको छ । फुकुओका नेपाल सोसाइटीद्धारा सञ्चालित सुख दुख कोष र देउसी भैलो खेलेर जम्मा भएको रकमबाट कुशे गाउँपालिका वडा नं ७ का करिब ७० परिवारहरुलाई न्यानो बल्याङकेट लगायत राहत रामाग्री बितरण गरिएको हो ।
त्यस्तै चन्द्र शाह, पदम थापा लगायतको स—सानो सहयोगमा जाजरकोटका छ जना साना नानिबाबुलाई न्यानो लगाउने लुगा समाजसेवी सानू कुवरको सहयोगमा बितरण गरिएको छ ।
फुकुओका नेपाल सोसाइटीका अध्यक्ष इन्द्र घलेको संयोजकतामा उक्त कार्यक्रम गरिएको हो । कञ्चनपुरको ट्रान्सफर्मेटिभ सोसाइटी अफ नेपालकी अध्यक्ष समाजसेवी चाँदनी ऐरले स्थानीय इन्द्र बहादुर सिंहको सहजीकरणमा प्रत्यक्ष पीडित कहाँ पुगेर राहत सामाग्री बितरण गरेका हुुन् ।
हाल सम्म कोहि नपुगेको ठाउँमा प्रत्यक्ष पुगेर राहत बितरण गर्ने समाजसेवि चाँदनी ऐर लगायत सहजीकरण गर्ने सबैलाई फुलमाला सहित स्वागत तथा सम्मान गरिएको थियो ।
