अत्तरिया – बझाङको तल्कोट गाउँपालिकाको साईलाबगडमा नजिक जिप दुर्घटना हुँदा एक जनाको मृत्यु भएको छ भने दुई जना घाइते भएका छन्।
तल्कोट १ का सुस्मिता कठायतलाई बेहोस अवस्थामा जिल्ला अस्पताल पु¥याइएकोमा अस्पतालले उनलाई मृत घोषणा गरेको हो । त्यस्तै चालक तल्कोट ३ का राजेश कडाल र सहचालक मष्टा ५ का कमल कठायतको अवस्था हाल मध्यम रहेको बताइएको छ।
जिल्ला प्रहरी कार्यालय बझाङका प्रहरी नायव उपरिक्षक भरतबहादुर शाहका अनुसार तलकोटबाट चैनपुर आउने क्रममा से १ ज ८६८ नम्बरको जीप बिहिवार साझ अनियन्त्रित भएर सडकबाट ७० फिट तल खसेको थियो।
दुर्घटनामा घाइते भएकाहरु दुबै जनाको उपचार जिल्ला अस्पताल बझाङमा उपचार भइरहेको प्रहरीले जनाएको छ।
