अत्तरिया – कैलालीको गोदावरी नगरपालिकामा रोकिएको जग्गा नाप जाचको काम पुनः सुरु भएको छ ।
नगरपालिकाले वडा नम्बर ६ लालपुरबाट अव्यवस्थित बसोबासी, भूमिहिन दलित, भूमिहीन सुकुम्बासीको जग्गा नापजाँच गर्न सुरु गरेको हो ।
जग्गा नाप जाँचको गोदावरी नगरपालिकाका नगर प्रमुख बिरेन्द्र भट्टले आज (आइतबार) बिहान उद्घाटन गरेका हुन् ।
जग्गा नाप जाँचकालागि १५ जनाको टोली खटिएको नापी शाखाका सर्वेक्षक विनोद पनेरुले बताएका छन् । ६ र ७ मा संगसंगै गरिने र सकिएलगत्तै वडा नम्बर ८ मा सुरु गरिने उनले बताएका छन् ।
यसअघि वडा नम्बर ५ सम्म नापीको काम सकिएको नगरपालिकाले जनाएको छ ।
हाल क्युव इन्फो कम्पनीले जग्गा नापीको काम गर्ने जिम्मा पाएको हो ।
