Attariya Hospital Pvt.Ltd.

राष्ट्रियसभाका अध्यक्षसहित २० सांसदको पदावधि आज सकिँदै

padma
milan sunchadi

काठमाडौं – राष्ट्रिय सभाका अध्यक्षसहित २० सांसदको पदावधि आज सकिदैछ। २०७४ सालमा निर्वाचित भएर ६ वर्ष कार्यकाल बिताएका उनीहरू आजदेखि बिदा हुन लागेका हुन्।

पदावधि सकिनेहरुमा अध्यक्ष गणेशप्रसाद तिमिल्सिनासहित एमालेका आठ, नेपाली कांग्रेसका चार, नेकपा माओवादी केन्द्रका तीन, नेकपा एकीकृत समाजवादीका दुई, जसपाका एक र स्वतन्त्र सांसद एक एवं राष्ट्रपतिबाट मनोनित एक गरी २० जना रहेका छन्।

उनीहरूको ठाउँमा माघ ११ मा भएको राष्ट्रिय सभा निर्वाचनबाट १९ सदस्य निर्वाचित भइसकेका छन्। भोलि उनीहरूको शपथ कार्यक्रम राखिएको छ भने एकजना सदस्य मन्त्रिपरिषद्को सिफारिसमा राष्ट्रपतिबाट नियुक्त हुन बाँकी छ।

Siddi ganesh

गत माघ ११ गते भएको निर्वाचनबाट राष्ट्रिय सभाको समीकरण नै बदलिएको छ। माओवादी पहिलो ठूलो दल बन्दा कांग्रेस दोस्रो ठूलो दलको हैसियतमा रहनेछ। यस्तै एमाले तेस्रोमा खुम्चिएको छ। नेकपा एकीकृत समाजवादी राष्ट्रिय सभामा चौथो ठूलो दल बनेको छ।

satyawati

२०७४ सालमा नयाँ संविधान जारी भएपछि भएको राष्ट्रिय सभा निर्वाचनबाट ५६ जना सदस्य निर्वाचित भएका थिए भने ३ जना सरकारको सिफारिसमा राष्ट्रपतिबाट मनोनित भएका थिए।

निर्वाचनपछि राष्ट्रियसभाका ५९ सदस्यहरूको कार्यअवधि गोला प्रथाबाट निर्धारण गरिएको थियो। उनीहरूको २, ४ र ६ वर्ष गरी ३ प्रकारको कार्यकाल तय गरिएको थियो। २ र ४ वर्ष कार्यकाल पूरा गरेकाहरू बिदा भइसकेका छन् भने ६ वर्ष कार्यकालको समय पाएका २० सांसदको आज बिदाइ हुन लागेको हो।

राष्ट्रिय सभाअन्तर्गतको विधायन व्यवस्थापन समितिको आज अपरान्ह ४ बजे बस्ने बैठकमा छ वर्ष कार्यकाल पूरा गरेका सदस्यहरूको विदाइ कार्यक्रम राखिएको छ।

Nawadurga
aisworya
Leave A Reply

Your email address will not be published.