अत्तरिया – कैलालीको गोदावरी नगरपालिकाले धनगढीमा रहेको दृष्टि फाउन्डेसनलाई सहयोग गरेको छ । नगरपालिकाले फाउन्डेसनलाई खाद्यान्न, लुगाकपडा लगायत ३ लाख बराबरका सामग्री सहयोग गरेको हो ।
उक्त सामग्री बिहिबार एक कार्यक्रमका बीच गोदावरी नगरपालिकाका नगर प्रमुख विरेन्द्र भट्ट , प्रमुख प्रसासकिय अधिकृत हरिदत्त भट्ट, महिला तथा बालबालिका शाखा प्रमुख गोदावरी धामीको उपस्थितिमा दृष्टि फाउन्डेसनकी सञ्चालिका कल्पना भट्टलाई हस्तान्तरण गरेका छन ।
पालिकाले चामल, साबुन, सोडा, चाउचाउ बिस्कुट, टुथपेस्ट, ब्लाङकेट, तरकारी, बालबालिका तथा मानसिक संन्तुलन गरेका महिलाहरुका लागि लुगा कपडा लगायत सर सामान बितरण गरेको जानकारी शाखा प्रमुख गोदावरी धामीले बताईन ।
सामग्री हस्तान्तरण गर्दै प्रमुख भट्टले सार्वजनीक स्थलमा कष्टकर जीवन बिताईरहेका, बेसहारा तथा मानसिक सन्तुलन गुमाएका बिरामीहरुलाई एकत्रित गरेर दृष्टि फउन्डेसनले उत्कृष्ट कार्य गरेको बताए ।
साथै अन्य पालिकाहरुले पनि मानव सेवामा समर्पित संघ संस्थालाई सहयोग गर्नु पर्ने र अरुलाई पनि सहयोग गर्न अपिल समेत ब्यक्त गरेका छन ।
