अत्तरिया – कैलालीको चिसापानीस्थित कर्णाली पुलमा गुडिरहेको ट्रकमाथि आगलागी भएको छ ।
पूर्वबाट पश्चिमतर्फ आइरहेको एक मालबाहक ट्रकमा आगलागी भएको प्रहरीले जनाएको छ ।
आगो पुलमा समेत सल्किएको छ । आगो निभाउने प्रयास जारी छ । लाइटर बोकेको ट्रकमा आगलागी भएको बताउँदै कैलालीका डीएसपी कुलदीप चन्दले आगो निभाउने प्रयास भइरहेको जानकारी दिए ।
अहिले लम्कीचुहा नगरपालिकाको दमकलको सहयोगमा आगो नियन्त्रणको प्रयास भइरहेको छ ।
आगोको लप्का पुलको तारमा समेत सल्किएको छ । प्रहरीले आगलागीपछि टकभित्र रहेका चालकसहितलाई सकुशल उद्दार गरेको छ ।
