धनगढी – कञ्चनपुरमा लागुऔषधसहित दुई जना युवायुवती पक्राउ परेका छन् ।
जिल्लाको बेलौरी नगरपालिका—६ वैशाखाबाट १.६५ ग्राम अवैध लागुऔषध (खैरो हिरोइन) सहित सोही ठाउँ बस्ने २८ वर्षीय हरिश जोशी र कैलालीको धनगढी उपमहानगरपालिका—१ बस्ने १९ वर्षीया दिक्षा लामिछाने पक्राउ परेका हुन् ।
उनीहरुलाई शनिबार राति इलाका प्रहरी कार्यालय बेलौरीबाट खटिएको टोलीले पैदल हिँडिरहेको अवस्थामा शंका लागी चेकजाँच गर्दा उक्त पदार्थ फेला पारी पक्राउ गरेको जनाएको छ ।
यस सम्बन्धमा थप अनुसन्धान गरिरहेको प्रहरीले बताएको छ ।
