अत्तरिया – कैलालीको अत्तरियाबाट लागूऔषध खैरो हेरोईन सहित एक युवक पक्राउ परेका छन् ।
पक्राउ पर्नेमा कञ्चनपुरको कृष्णपुर नगरपालिका वडा नम्बर ५ गुलरिया बस्ने ३५ वर्षीय राजेश सुनार रहेको इलाका पह्ररी कार्यालय मालाखेतीले जनाएको छ ।
इलाका प्रहरी कार्यालय मालाखेतीको अपराध अनुसन्धान समुहबाट खटिएको प्रहरी टोलीले सुनारलाई १५ पुडिया लागू औषध (खैरो हेरोईन) जस्तो धुलो पदार्थ सहित गोदावरी नगरपालिका वडा नम्बर २ लोट्स गल्ली अत्तरियाबाट आज दिउँसो पक्राउ गरेको हो ।
सुनारमाथी थप अनुसन्धान भईरहेको प्रहरीले जनाएको छ ।
