अत्तरिया – आज नेपाल रेडक्रस सोसाइटीकोे ६२ औं स्थापना दिवस विविध कार्यक्रम गरि मनाइदै छ । वि.सं. २०२० साल भदौ १९ गते रेडक्रस अभियानको अंगको रूपमा नेपाल रेडक्रस सोसाइटीको स्थापना भएको थियो ।
यसै उपलक्ष्यमा कैलालीको अत्तरियामा रेडक्रस अत्तरिया उपशाखाले रक्तदान कार्यक्रमको आयोजना गरेको छ । उपशाखाले अत्तरियाको श्रीकृष्ण मार्केटमा आराम फिजियोथेरापी संगको सहकार्यमा रक्तदान कार्यक्रमको आयोजना गरेको हो ।
बिहान ८ बजेदेखी सुरु भएको रक्तदान कार्यक्रम बिहान ११ बजेसम्म चल्ने नेपाल रेडक्रस सोसाइटी अत्तरिया उपशाखाका सभापती भरत खड्काले बताएका छन् ।
हाल नेपाल रेडक्रसका १,५३७ उपशाखा, ७७ जिल्ला शाखा, ७ वटा प्रदेश समिति र एक केन्द्रीय समिति रहेकाछन् ।
