अत्तरिया – कैलालीको गोदावरी नगरपालिका वडा नम्बर ८ को स्याउले चोकसहित चार ठाउँमा हाइमास्ट लाइट जडान गरीएको छ । स्याउलेमा जडान गरीएको हाइमास्ट लाइटको आज गोदावरी नगरपालिकाका नगर प्रमुख विरेन्द्र भट्टले उद्घाटन गरेका छन् ।
स्याउलेसहित वडा नम्बर ६ को लालपुर चोक,अत्तरियामा रहेको बसपार्क र वडा नम्बर ३ को मालाखेती चोकमा एडिबिको सहरी बिकास आयोजना अन्तरगत ८० लाखको लगानीमा हाइमास्ट लाइट जडान गरेको हो ।
उद्घाटन कार्यक्रममा बोल्दै नगर प्रमुख भट्टले चोकमा जडान गरीएका हाइमास्ट लाइटले स्थानीयलाई सहज हुनुका साथै रातीको समयमा हुने आपराधीक गतिविधी नियन्त्रण गर्न सहयोग पुग्ने बताए ।
चोकहरुमा लाइट जडान गरेर नगरलाई सहयोग गर्ने तयार नेपाललाई उनले धन्यवाद व्यक्त गरे । उनले स्याउले चौराहमा सडक फराकिलो पार्ने विषयमा पनि पहल भईरहेको बताए ।
