अत्तरिया – कैलालीको गोदावरी नगरपालिकामा डेज फर गर्ल्सको परियोजना (प्रोजेक्ट) समापन भएको छ । महिनावारी चक्र तथा पुनः प्रयोग गर्न मिल्ने,वाटर प्रुफ कपडाको प्याड प्रयोगको सहि तरिकाका बारेमा गोदावरीको वडा नम्बर ५,६,८,११ र १२ मा सन् २०२१ देखी विभिन्न कार्यक्रम गर्दै आईरहेको उत्त गैर सरकारी संस्थाको प्रोजेक्ट मे २०२४ मा समापन भएको थियो । संस्थाले आज अत्तरियामा समापन तथा धन्यवाद ज्ञापन कार्यक्रमको आयोजना गरेको हो ।
कार्यक्रममा बोल्दै वडा नम्बर १२ का वडा अध्यक्ष भिम बहादुर खड्काले छाउपडी कुप्रथका बारेमा सचेतना फैलाउन डेज फर गल्सले महत्वपुर्ण भुमीका निर्वाह गरेको बताए । उनले छाउपडी कुप्रथा र सेनेटरी प्याडको प्रयोगबारे संस्थाले महिला तथा किशोरीहरुलाई अभमुखीकरण गरेको भन्दै सिकेका कुराहरुलाई व्यवहारमा लागू गर्नु सबैको कर्तव्य भएको बताए । त्यस्तै कार्यक्रममा बोल्दै गोदावरी नगरपालिकाका प्रमुख प्रशासकिय अधिकृत हरिदत्त भट्टले महिनावारी भएको समयमा गुणस्तरीय प्याड प्रयोग गर्नुपर्ने भन्दै डेज फर गल्सले उत्पादन गर्दै आएको प्याड त्यसका लागि उपयुत्त भएको बताए ।
महिनावारी भएको समयमा महिलाहरु सुरक्षीत रहनुपर्ने नगर उप प्रमुख शारदा देवी रोकायोले बताइन् । उनले डेज फर गल्सले महिला तथा किशोरीहरुलाई पुनः प्रयोग गर्न मिल्ने प्याड समेत निशुल्क उपलब्ध गराएको भन्दै महिनावारी संस्थालाई धन्यवाद व्यत्त गरिन् । महिनावारी भएका बेला कहिँकतै छुनुहुन्न भन्ने लगायतका भ्रम चिर्न संस्थाले महत्वपुर्ण भुमीका खेलेको उनले बताईन् । उनले विभिन्न चुनौतीका बावजुत पनि कार्यक्रम लागू गरेको भन्दै कार्यक्रम सञ्चालन भएका वडाहरुमा राम्रो प्रभाव देखिएको बताईन् ।
त्यस्तै समापन तथा धन्यवाद कार्यक्रममा आफ्नो भनाई राख्दै सुदूरपश्चिम प्रदेश सभा सदस्य खेमा विष्टले समाजको विकासका लागि यस्ता संघ संस्थाहरु महत्वपुर्ण भएको बताईन् । उनले पछील्लो समय महिनावारी भएका महिलाहरुलाई केहि सहज वातावरण भएपनि कतिपय ठाउँहरुमा अझै नाजुक अवस्था रहेको बताईन् । विभिन्न विकट ठाउँहरुमा अझैपनि छाउगोठ रहेको र कपडाको वाटरप्रूफ,सेनेटरी प्याडको बारेमा कुनै ज्ञान नै नभएको अवस्था पनि रहेको विष्टले बताईन् ।
सकेसम्म गोदावरीमा यहि कार्यक्रमलाई फेरी पनि अर्को पटक निरन्तरता दिन आग्रह गर्दै उनले डेज फर गल्सले वितरण गरेको प्याड वातावरण मैत्री समेत रहेको बताईन् । समापन कार्यक्रममा बोल्दै डेज फर गल्सकी कार्यकारी निर्देशक माया खाइतुले सुरुका दिनमा काम गर्न निकै चुनौती सिर्जना भएपनि जनप्रतिनिधि,स्वयमसेविका र सामाजिक अगुवा महिलाहरुको सहजीकरणले आफुहरुलाई सहज भएको बताईन् ।
उनले प्रोजेक्टबाट महिनावारी चक्र,महिनावारीहुँदा सरसरफाइ गर्ने तरीका,सेनेटरी प्याड प्रयोग गर्ने तरीका लगायतका बारेमा गोदावरीका ५ ओटा वडामा सन् २०२१ देखी अभियान सञ्चालन गरिएको बताईन् । उनले यस कार्यक्रमबाट करिब दुई हजार पाँच सय जना लाभान्वित भएको बताईन् । त्यहि सङ्ख्यामा कपडाको वाटरप्रूफ, सेनेटरी प्याड पनि निशुल्क वितरण गरिएको उनले बताईन् ।
आफुहरुले उत्पादन र वितरण गर्दै आईरहेको प्याड,पुनः प्रयोग गर्न मिल्ने,सहज र वातावरण मैत्री भएको उनको भनाई छ । यसले महिलालाई आर्थिक समेत घटाउने धोएर पुनःप्रयोग गर्न मिल्ने प्याडको प्रयोग व्यावहारिक हुने कार्यकारी निर्देशक खाइतुको भनाइ छ ।गोदावरीपछी अहिले उत्त कार्यक्रम कैलालीकै मोहन्याल गाउँपालिकामा लागू भएको खाइतुुले बताएकी छिन् ।
