अत्तरिया – कैलालीको गोदावरीबाट ३ बालिका बेपत्ता भएका छन् । गोदावरी नगरपालिका वडा नम्बर ८ जोनापुरकी १२ वर्षीय सृष्टी चौधरी,१४ वर्षीय शारदा भुल र वडा नम्बर ९ बल्मीकी १३ वर्षीय आरती रोकामगर बेपत्ता भएका हुन् ।
उनीहरु तीनै जना गोदावरी ८ स्थीत मजगाउँमा रहेको समैजी माविमा अध्ययनरत थिए । कार्तिक २६ गते गते बिहान ९ः३० बजेको समयमा विद्यालय जान भनेर निस्कीएका उनीहरु बेपत्ता भएका हुन् ।
इलाका प्रहरी कार्यालय मालाखेतीले बालिका बेपत्ता भएकोबारे कार्तिक २७ गते बेलुकी जानकारी आएको बताउँदै खोजीकार्य भईरहेको बताएको छ । बालिकाहरुलाई कसैले देखेको खण्डमा नजिकको प्रहरीमा सम्पर्क गरिदिन आग्रह गरको छ ।
त्यस्तै महिला तथा बालबालिका सेभ हाउस अत्तरियाको फोन नम्बर ९८४८४४६३०३,९८६५७२०२७८ मा समपर्क गरिदिन आग्रह गरिएको छ
