काठमाडौं – काठमाडौं उपत्यकासहित देशभर हुस्सु लागेको छ। काठमाडौंमा आज बिहान ३.८ डिग्री सेल्सियस तापक्रम मापन गरिएको हो।
आज गण्डकी र प्रदेश १ का उच्च पहाडी र हिमाली भू–भागमा हिमपातको सम्भावना रहेको मौसमविद् राजु प्रधानाङ्ले जानकारी दिए।
आज तराईका धेरै स्थानमा हुस्सु र कुहिरो लागेको भए पनि केहीबेरपछि भने घाम लाग्ने मौसमविद् प्रधानाङ्गले बताए। पश्चिमी वायुको सामान्य प्रभाव रहेकाले आज देशभर आंशिक बद्ली रहने तर पानी भने नपर्ने उनले बताए।
