कैलालीमा ३६ लाख बराबरको सुनचाँदीका गहना बरामद

Image
maya metro

धनगढी – कैलालीमा सशस्त्र प्रहरीले भन्सार छलीका ३६ लाख मूल्य बराबरका गहनागरगहना बरामद गरेको छ ।

मंगलबार धनगढी उमहानगर–२ मित्रनगरबाट ३६ लाख ८ हजार ३९० मूल्य बराबरका सुनचाँदीका गरगहना बरामद भएको सशस्त्र प्रहरी बल नेपाल नम्बर ३४ गण हेक्वाटर कैलालीले जनाएको छ।

nisarga

सशस्त्र प्रहरी बल नेपाल नम्बर ३४ गण हेड क्वार्टर कैलाली, बिओपी त्रिनगर र बिओपी डोकेबजारबाट खटिएको प्रहरी टोलीले धनगढी उपमहानगरपालिका–२, त्रिनगरबाट सुनचाँदीका गरगहना बरामद गरेको हो ।

सशस्त्र प्रहरी बल नेपाल नम्बर ३४ गण हेक्वाटरका अनुसार ४३१ ग्राम सुन २०७ ग्राम चाँदीका गहना बरामद गरिएको हो । बरामद गरगहना राजश्व अनुसन्धान कार्यालय कोहलपुर पठाउने तयारी रहेको हेडक्वाटरले जनाएको छ ।