अत्तरिया – पछील्लो २४ घण्टामा भारतबाट सुदुरपश्चिम भित्रीएका थप १२५ जनामा कोरोना संक्रमण पुष्टी भएको छ ।प्रदेशका ३ नाकाबाट भित्रिएका १ हजार ३ सय ४४ जनाको नमूना परीक्षण गर्दा १२५ जनामा कोरोना संक्रमण पुष्टी भएको स्वास्थ्य निर्देशनाल दिपायलले जनाएको छ।
स्वास्थ्य निर्देशनालका अनुसार नेपाल भित्रिएका मध्ये १ हजार ३ सय ४४ जनाको एन्टीजेन बिधिबाट कोरोना परिक्षण गर्दा १ सय २५ जनामा कोरोना पुष्टि भएको छ । जसमा गड्डाचौकी नाकाबाट भित्रिएका ७ सय १७ जनाको कोरोना परिक्षण गर्दा ४५, गौरीफन्टा नाकाबाट भित्रिएका ५ सय ९१ जनाको कोरोना परिक्षण गर्दा ७८ र झुलाघाट नाकाबाट भित्रिएका ३५ जनाको कोरोना परिक्षण गर्दा २ जनामा संक्रमण पुष्टि भएको हो ।
यस्तै पछिल्लो २४ घण्टामा सेती प्रादेशिक अस्पतालमा ३६ नमूना परीक्षण गर्दा ८ जनामा संक्रमण पुष्टि भएको छ। यो सँगै प्रदेशमा कोरोना संक्रमितको संख्या ४८ हजार ८ सय १० पुगेको छ।
पछिल्लो २४ घण्टामा ६ जना कोरोना संक्रमित निको भएसंगै प्रदेशमा कोरोना जित्नेको संख्या ३८ हजार १ सय ९२ पुगेको छ ।
