पछिल्लो २४ घण्टामा विश्वभर १८ लाख ४८ हजारभन्दा बढी मानिसमा कोरोना संक्रमण पुष्टि भएको छ।
थपिएका नयाँ संक्रमितमध्ये भारतमा मात्र १ लाख ८० हजारभन्दा बढी छ। यस्तै‚ अमेरिकामा ३ लाख ६ हजार, फ्रान्समा झण्डै ३ लाख, इटलीमा १ लाख ५५ हजार, बेलायतमा १ लाख ४१ हजार, अस्ट्रेलियामा १ लाख र अर्जेन्टिनामा ७३ हजारमा संक्रमण देखिएको हो।
यस्तै‚ टर्कीमा ६१ हजार, नेदरल्याण्ड्समा ३२ हजार र जर्मनीमा ३० हजार बढी व्यक्तिमा कोरोना पुष्टि भएको छ।
यो अवधिमा विश्वभर ३ हजार बढी कोरोना संक्रमितको मृत्यु भएको छ। जसमध्ये रसियामा ७६३, अमेरिकामा २९८, मेक्सिकोमा २०२ र भियतनाममा २०२ जनाको कोरोनाबाट मृत्यु भएको छ। योसहित विश्वभर कोरोनाबाट मृत्यु हुनेको संख्या ५५ लाख ५ हजार पुगेको छ।
