Attariya Hospital Pvt.Ltd.

गोदावरी नगरपालिकाका तत्कालीन २ प्रमुख प्रशासकीय अधिकृत विष्ट र जोशी विरुद्ध फेरि भ्रष्टाचारको मुद्दा दर्ता

padma
milan sunchadi

काठमाडौं – कैलालीको गोदावरी नगरपालिकाका तत्कालीन २ प्रमुख प्रशासकीय अधिकृतविरुद्ध फेरि भ्रष्टाचारको मुद्दा लागेको छ।

गत चैत ३० गते निर्धारित शर्त तथा मापदण्डविपरीत विभिन्न सडक निर्माण गराइएको भन्दै अख्तियार दुरुपयोग अनुसन्धान आयोगले तत्कालीन प्रमुख प्रशासकीय अधिकृतहरू खेमराज विष्ट र देवराज जोशीसहित ८ जनाविरुद्ध मुद्दा दायर गरेको थियो। हिजो (बिहीबार) फेरि अख्तियारले तिनै दुई अधिकृतसहित ७ जनाविरुद्ध विशेष अदालत काठमाडौंमा आरोपपत्र दायर गरेको छ।

तत्कालीन प्रमुख प्रशासकीय अधिकृतद्वय विष्ट र जोशीसहित तत्कालीन इन्जिनियर पूर्ण कुँवर, सब-इन्जिनियर ज्ञानेन्द्र बुढा र नरेन्द्र शाही, प्राविधिक पूर्वाधार कार्यालयका ल्याब टेक्निसियन धनबहादुर विष्ट तथा निर्माण व्यवसायी गणेश बिष्टविरुद्ध भ्रष्टाचारको मुद्दा लगाएको आयोगका प्रवक्ता श्यामप्रसाद भण्डारीले जानकारी दिए।

Siddi ganesh

उनका अनुसार उनीहरूबाट १२ लाखदेखि करिब ५७ लाखसम्म बिगो कायम गरी मुद्दा दायर गरिएको छ। गोदावरी नगरपालिकाका विभिन्न १३ सडक गुणस्तरहीन तथा मापदण्डविपरीत निर्माण गरी भुक्तानी बढी दिएर सरकारलाई हानी नोक्सानी पुर्‍याएको निष्कर्ष अख्तियारले निकालेको छ।

अख्तियारले तत्कालीन प्रमुख प्रशासकीय अधिकृत विष्टबाट ३१ लाख ३७ हजार ८ सय ५३ रूपैयाँ र जोशीबाट २५ लाख ५२ हजार ८ सय ८६ रूपैयाँ बिगो कायम गरी असुलउपरको मागदाबी गरेको छ।

तत्कालीन इन्जिनियर कुँवरबाट ५६ लाख ९० हजार ७ सय ४०, सब-इन्जिनियर बुढाबाट ४३ लाख १७ हजार ६ सय ६६ र शाहीबाट १२ लाख २४ हजार ४ सय ९५, ल्याब टेक्निसियन विष्टबाट ५३ लाख ५१ हजार २ सय ३४ र निर्माण व्यवसायी विष्टबाट ५० लाख ३१ हजार ५४ रूपैयाँ बिगो कायम गरी असुलउपरको मागदाबी गरिएको आयोगले जनाएको छ।

साभार गरिएको

Nawadurga
Loading...