बाजुरा – जिल्ला समन्वय समिति बाजुराको निर्वाचनमा नेकपा एमालेका उम्मेदवार निर्विरोध निर्वाचित भएका छन। बाजुराका ९ वटा पालिकाका मेयर र उपमेयर तथा अध्यक्ष र उपाध्यक्ष गरी १८ जना मतदाता छन्। एमालेसंग १२ मत रहेकाले कसैसँग तालमेल नगरी निर्विरोध निर्बाचित भएका हुन जिल्ला समन्वय समिति बाजुरामा नेकपा एमालेको एकल उम्मेद्धारी परेको थियो।
नेकपा एमालेमा १२ जनाको बहुमत भएपछि जिल्ला समन्वय समितिमा एमालेको एकल बहुमत पुगेको हो। नेकपा एमालेबाट समन्वय प्रमुखमा तुलसीराम रोकाया, उपप्रमुखमा लाछु सार्की, खुला सदस्यमा हिक्मतबहादुर थापा, मनराज भण्डारी, लालबहादुर महतरा निर्विरोध निर्वाचित भएका छन। त्यसै गरि महिला सदस्यमा कल्चुदेबी रावत, कल्धरा बुढा, लक्ष्मी बुढा साउँद र दलित महिला सदस्यमा रम्ब देबी विक निर्विरोध निर्बाचित भएको मुख्य निर्बाचन अधिकृत्तको कार्यालयले जानकारी दिएको छ । आइतबार उनीहरुले सपथ ग्रहण गरेको मुख्य निर्वाचन अधिकृत माधवप्रसाद घिमिरेले बताएका छन्। जिल्लाका ९ वटा स्थानिय तहमा बुढीगंगा, बडिमालिका नगरपालिका, गौमुल, जगन्नाथ गाउपालिकामा गरि ४ वटा स्थानिय तहमा प्रमुख र उपप्रमुख नेकपा एमालेले जितेको छ ।
त्रिबेणी नगरपालका, स्वामीकार्तिक खापर गाउपालिका गरि २ वटा पालिकामा प्रमुख उपप्रमुख नेपाली काँग्रेशले जितेको छ।जम्मा १८ जना मध्ये १२ जना एमालेको पक्षमा र ६ जना नेपाली काँगेस पक्षका रहेकाकाले नेपाली काँग्रेसले उम्मेदवारी नै नगराएका कारण एमालेका उम्मेदवार निरबिरोध निर्वाचित भएका हुन । जिल्लाका ९ वटा स्थानिय तह मध्ये ८ वटा स्थानिय तहको असार २३ गते पहिले नै निर्बाचन सम्पन्न गरिएको छ ।
बुढीगंगा नगरपालिकाको स्थानिय निर्बाचन असार २३ गते सम्पन्न पश्चात असार ३२ गते कार्यपालिकाको निर्बाचन सम्पन्न भएको पत्र प्राप्त पछि आइतबार जिल्ला समन्वय समितिको सपथ ग्रहण कार्यक्रम सम्पन्न भएको मुख्य निर्बाचन अधिकृत माधव प्रसाद घिमिरेले बताएका छन । व्यक्तिको नाम सिफारिस गरी पठाउन जिल्ला कार्यसमितिलाई परिपत्र गरेको उनले जानकारी दिए । सपथ ग्रहण कार्यक्रममा मुख्य निर्बाचान अधिकृत तथा जिल्ला न्याधिस माधव प्रसाद घिमिरेको अध्यक्षतामा संचालन भएको कार्यक्रममा प्रमुख अतिथि संघिय सांसद लाल बहादुर थापा रहेका थिए ।
