बैतडी – बैतडीमा एक गाउँपालिका कर्मचारीको भीरबाट लडेर मृत्यु भएको छ।
जिल्लाको सिगास गाउँपालिकामा कार्यरत कम्प्युटर अपरेटर अन्दाजी २८ वर्षीया सरस्वती धामी बोहराको भीरबाट लडेर मृत्यु भएको हो।
सिगास गाउँपालिका ८ लुपुँड घर भएकी सरस्वतीको घर नजिकैको खर फागलमा खर काट्ने क्रममा शनिबार दिउँसो लडेर मृत्यु भएको गाउँपालिकाले जनाएको छ।
सरस्वती डेढ महिना अघिमात्रै गाउँपालिकाको कम्प्युटर अपरेटर पदमा नियुक्त भएकी थिइन्।
