अत्तरिया – कैलालीको गोदावरी नगरपालिका वडा नम्बर ८ स्थीत स्याउलेमा तेस्रो शिवशक्ति कप फुटबल प्रतियोगिता सुरु भएको छ ।
शिवशक्ति युवा क्लबले आयोजना गरेको वडा स्तरीय खुल्ला शिवशक्ति कप फुटबल प्रतियोगिताको एक कार्यक्रमकाबिच वडा नम्बर ८ का वडा सदस्य चन्द्र बिसीले प्रतियोगिताका मुख्य रेफ्रीलाई बल हस्तान्तरण गरि उद्घाटन गरेका हुन् ।
मुख्य रेफ्रिको रुपमा म्याक्स चौधरी रहेको प्रतियोगितामा कैलालीका २२ ओटा टिमको सहभागिता रहेको छ । आज उद्घाटनमा पहिलो खेल बाग युवा क्लब अत्तरिया र दिया युवा क्लब भजनीबिच भईरहेको छ ।
प्रतियोगिताको मुख्य प्रर्वद्धकमा वडा नम्बर ८ रहेको छ । प्रतियोगिताका विजेताललाई नगद ५० हजार सहित,ट्रफि,मेडल र प्रमाणपत्र प्रदान गरिने आयोजकले जनाएको छ ।
प्रतियोगितामा द्धितिय स्थान हाँसिल गर्ने टिमलाई २१ हजार नगद सहित ट्रफि,मेडल र प्रमाणपत्र प्रदान गरिनेछ भने विधागत उत्कृष्ट खेलाडीलाई पनि पुरस्कारको व्यवस्था रहेको छ ।
स्याउले स्थीत शिवशक्ति युवा क्लबको खेल मैदानमा जारी उत्त प्रतियोगिताको फाइनल खेल फाल्गुन २१ गते दिउँसो २ बजे हुनेछ ।
