Attariya Hospital Pvt.Ltd.

बैतडीका १८ विद्यालयको एसईई नतिजा शून्य

padma
milan sunchadi

बैतडी – यहाँका १८ विद्यालयले माध्यमिक शिक्षा परीक्षा (एसईई) मा शून्य नतिजा ल्याएका छन्। १२८ सामुदायिक (सरकारी) विद्यालयमध्ये १८ वटाको नतिजा शून्य आएको हो।

परीक्षामा १२८ सरकारी र ४ संस्थागत (निजी) विद्यालयको सहभागिता रहेको बताउँदै १८ सरकारी विद्यालयको नतिजा शून्य आएको जिल्लास्थित शिक्षा विकास तथा समन्वय एकाइका प्राविधिक सहायक रामचन्द्र भट्टले जानकारी दिए। पछिल्लो समय सामुदायिक विद्यालयमा शैक्षिक गुणस्तर खस्कँदै गएकाले सोको प्रभाव एसईई नतिजामा देखिएको उनले बताए।

नतिजाअनुसार सबैभन्दा बढी सुर्नया गाउँपालिकाका ६ वटा सामुदायिक विद्यालयको नतिजा शून्य आएको छ। दशरथचन्द नगरपालिकाका ४, मेलौली नगरपालिकाका ३, दोगडाकेदार गाउँपालिकाका २, पाटन नगरपालिका, पञ्चेश्वर गाउँपालिका र सिगास गाउँपालिकाका १/१ विद्यालयको नतिजा शून्य आएको हो।

Siddi ganesh

सुर्नयाका राष्ट्रिय मावि फाटीगडा, नेपाल राष्ट्रिय मावि ग्वानी, सिगास मावि मुसे, केदार मावि कठमडा, कैलपाल मावि झाडबो र उदयदेव मावि पालीगडाको नतिजा शून्य आएको छ।

satyawati

सदरमुकामस्थित दशरथचन्द नगरपालिकाका गुरुकुल मावि सेरा, सरस्वती संस्कृत मावि नगतडी, शोभा मावि देउमडा र कैलपालेश्वर मावि ऐँचेकाँडाको नतिजा शून्य आएको छ।

मेलौली नगरपालिकाको केदारेश्वर मावि दुर्गास्थान, सुदर्शन मावि लिखोडा र भरतपुर मावि गाउँकोट तथा दोगडाकेदार गाउँपालिकाको रौलेश्वर मावि कफलकोट र चनैराज मावि बडियाको नतिजा शून्य आएको छ।

यसैगरी पाटन नगरपालिकाको निलपालेश्वर मावि डङसिली, सिगास गाउँपालिकाको भूमेश्वर मावि थला र पञ्चेश्वर गाउँपालिकाको देवथला मावि बस्कुको नतिजा शून्य आएको शिक्षा विकास तथा समन्वय एकाइले जनाएको छ।

जिल्लाबाट २०८० सालको एसईईमा सहभागीमध्ये ३१ दशमलव ४९ प्रतिशत परीक्षार्थी उत्तीर्ण भएका शिक्षा विकास एकाइका प्राविधिक सहायक भट्टले जानकारी दिए। परीक्षाका लागि ५ हजार ८७ ले फारम भरेकामा ४ हजार ८९४ जना सहभागी भएका थिए।

माध्यमिक तहसम्मको शिक्षा हेर्ने अधिकार अहिले स्थानीय तहलाई भए पनि शिक्षा क्षेत्रलाई प्राथमिकतामा नराख्दा गुणस्तर खस्किँदै गएको शिक्षा विकास तथा समन्वय एकाइ प्रमुख नरेन्द्र अवस्थीले बताए।

“शहरबजारका विद्यार्थी सबै प्रविधिको पहुँचमा हुने र दुर्गमका सबै विद्यार्थी प्रविधिका बारेमा जानकार नहुँदा पनि नतिजा कमजोर आएको हो”, उनले भने।

ग्रामीण क्षेत्रका विद्यालयको शैक्षिकस्तर सुधार गर्न तीनै तहका सरकारले प्रभावकारी योजना बनाएर कार्यान्वयन गर्नुपर्नेमा उनले जोड दिए।

Nawadurga
aisworya
Leave A Reply

Your email address will not be published.