धनगढी – धनगढीमा एक मोबाइल ग्यालरीबाट प्रहरीले नै मोबाइल चोरेका छन् । बिहिवार धनगढीस्थित धनगढीस्थित ट्राफिक चोकमा रहेको ग्लोबल मोबाइल ग्यालरीमा लागूऔषध कारोबारको खानतलासी गर्न गएको प्रहरी टोली मध्येका एक प्रहरीले ग्यालरीबाट मोबाइल चोरेको भिडियो सार्वजनिक भएको हो।
मोबाइल ग्यालरीबाट प्रहरीले दुई मोबाइल चोरी गरेको चोरीमा सलग्न प्रहरीलाई कार्बहीको माग गर्दै संचालकले प्रहरीमा निवेदन दिएका छन्।
बिहिवार लागुऔषध कारोबार गरेको भन्दै ग्यालरीबाट ३ जनालाई पक्राउ गरेको थियो। धनगढी–५ का पसल सञ्चालक दोर्णबहादुर रावल, वडा नमबर २ बस्ने वर्ष २९ का टेक बिष्ट र वडा नम्बर ४ का ३० वर्षीय मनिष भण्डारी पक्राउ परेका थिए । उनीहरुको साथबाट १ ग्राम ५५० मिलिग्राम खैरो हिरोइन फेला परेको जिल्ला प्रहरी कार्यालयले जनाएको छ।
