भारतबाट हातहतियार ल्याउँदै गरेका दुईजना पक्राउ

Image
maya metro

बारा – सिम्रौनगढ नगरपालिका-९ बसबरियाबाट कटुवा पेस्तोल १ थान, सोही पेस्तोलको गोली २ राउण्ड, चाइनिज पेस्तोल १ थान, सोही पेस्तोलको म्याग्जिन १ थान र २ राउण्ड सहित २ जनालाई शनिबार बिहान प्रहरीले पक्राउ गरेको छ।

पक्राउ पर्नेहरूमा भारत बिहार राज्य पूर्वी चम्पारण मोतिहारी थाना घोडासहन ग्राम पञ्चायत लौखान-१ बस्ने २३ वर्षीय पप्पुकुमार यादव र सोही ठाउँ भेलवा-१४ बस्ने २१ वर्षीय अकलेशकुमार सिंह रहेका छन्।

nisarga

भारतबाट नेपालतर्फ आउँदै गरेको बिआर ०१ पि ३१६१ नम्बरको मोटरसाइकललाई इलाका प्रहरी कार्यालय सिम्रौनगढ र सशस्त्र प्रहरी बल नेपाल गोलागञ्ज पोष्टबाट खटिएको संयुक्त टोलीले जाँच गर्ने क्रममा मोटरसाइकलमा सवार उनीहरूलाई उक्त हतियार सहित फेला पारी पक्राउ गरेको हो।

यसबारे आवश्यक अनुसन्धान गरिरहेको प्रहरीले जनाएको छ।