अत्तरिया – कैलालीको अत्तरियामा संचालन भएको सुदूरपश्चिम प्रादेशिक महोत्सव २०८० मा झन्डै २४ लाख नाफा भएको छ ।
आयोजक अत्तरिया उद्योग वाणिज्य संघले आज पत्रकार सम्मेलनको आयोजना गर्दै सुदूरपश्चिम प्रादेशिक महोत्सवको आयव्यय सार्वजनिक गरेको हो ।
सम्मेलनमा संघका कोषाध्यक्ष हेमराज भण्डारीले सुदूरपश्चिम प्रादेशिक महोत्सवमा २३ लाख ९८ हजार ७० रुपैयाँ नाफा भएको बताएका हुन् ।
नाफामध्य १५ लाख ३५ हजार १३७ रुपैयाँ उठ्न बाँकी रहेको उनले बताएका छन् ।
त्यसैगरि ५ लाख ८७ हजार २६१ रुपैयाँ संघले विभिन्न निकायलाई तिर्न बाँकी रहेको छ ।
महोत्सवमा जम्मा कारोबार ९० लाख ३० हजार ४१० रुपैयाँ भएकोमा ६६ लाख ३२ हजार ३४० रुपैयाँ खर्च भएको भण्डारीले बताए ।
अत्तरिया उद्योग वाणिज्य संघले पुष २६ गतेदेखि माघ ७ गतेसम्म अत्तरियाको लामिताल परिसरमा सुदूरपश्चिम प्रादेशिक महोत्सव २०८० संचालन गरेको थियो ।
