अत्तरिया – कार्य सम्पादन मूल्याङ्कनमा कैलालीमा गोदावरी नगरपालिका पहिलो बनेको छ। राष्ट्रिय प्राकृतिक स्रोत तथा वित्त आयोगले सार्वजनिक गरेको विवरण अनुसार गोदावरी नगरपालिकाले कार्यसम्पादन मूल्याङ्कनमा ६३.३३ अङ्क प्राप्त गरेको छ । दोस्रो स्थानमा रहेको जानकी गाउँपालिकाले ६२.०३ अङ्क प्राप्त गरेको छ ।
कार्य सम्पादन मूल्याङ्कनमा कैलालीमा सबैभन्दा कम अङ्क कैलारी गाउँपालिकाले प्राप्त गरेको छ । कैलारीले ४४.१९ अङ्क मात्रै पाएको छ । त्यस्तै टिकापुरले ४६.७० अङ्क पाएको छ । गौरीगङ्गाले ५६.२६ अङ्क पाएको छ । कार्यसम्पादन मूल्याङ्कनमा धनगढी उपमहानगरपालिकाले ५६.६० अङ्क पाएको छ ।
यसैगरी लम्किचुहा नगरपालिकाले ५६.८७ अङ्क प्राप्त गरेको छ । मोहन्याल गाउँपालिकाले ५४.५५ अङ्क, चुरे गाउँपालिकाले ५१.९४ अङ्क, बर्दगोरीया गाउँपालिकाले ५२.७२ अङ्क प्राप्त गरेको छ । त्यस्तै घोडाघोडी नगरपालिकाले ५१.७३ अङ्क प्राप्त गरेको छ । भजनी नगरपालिकाले ५०.१४ अङ्क र जोशीपुर गाउँपालिकाले ४९.५० अङ्क प्राप्त गरेको छ । कार्यसम्पादन मूल्याङ्कनका लागि १७ वटा सूचक राखिएका थिए ।
