अत्तरिया – कैलालीको गोदावरी-१ अत्तरियाकी क्रिस्टल नाथ जिल्ला स्तरीय नृत्य प्रतियोगिताको सेमिफाइनलमा पुग्न सफल भएकी छिन् । क्रिस्टललाई विजयी बनाउन उनका परिवार तथा आफन्तले भोट गरी सहयोग गरिदिन अपिल गरेका छन् ।
क्रिस्टल सेमिफाइनलमा प्रवेश गरेसँगै अबको चरण पार गर्नका लागि दर्शक तथा शुभेच्छुकको भोट आवश्यक रहेको भन्दै सहयोगका लागि अनुरोध गरेका हुन्।
क्रिस्टल नाथलाई भोट गर्न सर्वप्रथम मोबाइलमा इसेवा एप खोल्नुपर्नेछ । त्यसपछि तल स्क्रोल गरी ‘भोटिङ एण्ड इभेन्ट्स’ मा प्रवेश गर्नुपर्नेछ । त्यसपछि ‘डिस्ट्रिक्ट लेभल स्कुल डान्स’ प्रतियोगितामा गई ‘ओपन’ गर्नुपर्नेछ ।
त्यसपछि खोजी विकल्पमा ‘क्रिस्टल नाथ’ नाम टाइप गरी वा भोटिङ कोड २० प्रयोग गरेर पनि क्रिस्टल नाथलाई खोज्न सकिनेछ । क्रिस्टल नाथको नाम चयन गरी आफ्नो भोट प्रदान गर्न सकिनेछ ।
क्रिस्टललाई असोज १७ गतेसम्म भोट गर्न सकिनेछ । परिवारले क्रिस्टललाई सेमिफाइनलबाट थप अगाडि बढाउन आफ्नो अमूल्य भोट दिएर सहयोग गर्न आग्रह गरेको छ । प्रतियोगिताको फाइनल नृत्य कार्तिक १० गते हुँदै छ ।
