अत्तरिया – धनगढीमा प्रदेश स्तरीय ‘आइडियाथोन’ प्रतियोगितासम्पन्न भएको छ । बिहिबार नाष्ट कजेजको सभा हलमा सुदूरपश्चिम प्रदेश स्तरीय ‘आइडियाथोन’ प्रतियोगितासम्पन्न भएको हो । प्रतियोगितामा विद्यार्थीहरुले आ—आफ्नो आइडिया प्रस्तुत गरेका थिए । प्रतियोगितामा सात वटा टिम सहभागी भएको आयोजकले जनाएको छ ।
प्रतियोगितामा सिटी लिंक नाष्ट टिम पहिलो भएको छ । जसमा गौरव कठायत र जिवन जोशी सहभागी भएका थिए । त्यसैगरि दोस्रोमा कोर्ड यूथ हर फारवेष्ट एण्ड इन्जिनियरिंग स्कुल टिम दोस्रो भएको छ । प्रतियोगिताका विजेताहरु दोस्रो चरणमा काठमाडौंमा सहभागी हुने आयोजकले जनाएको छ ।
प्रतियोगितामा शुभकामना मन्तव्य व्यक्त गर्दै नाष्ट कलेजका प्रबन्ध निर्देशक शिवहरी मुडभरीले प्रतिस्पर्धात्मक भावनाले आफ्नो क्षमता उजागर हुने बताए ।
उनले यस प्रतियो्गिताले विद्यार्थीलाई राष्ट्रिय स्तरमा प्रतिष्पर्धा गर्न योग्य बनाउने बताए । प्रतियोगितामा विभिन्न शैक्षिक संघ संस्थाका प्रमुखहरु नाष्ट कलेजका विद्याथीको उपस्थिति रहेको थियो ।
