अत्तरिया – कैलालीको अत्तरियामा ११ औं अन्तर्राष्ट्रिय योग दिवस मनाइएको छ ।
अत्तरिया पतन्जली योग समिति तथा नगर समितिले ११ औं अन्तर्राष्ट्रिय योग दिवस मनाएको हो ।
दिवसको अवसरमा अत्तरिया बजारमा र्याली निकालिएको थियोे ।
र्यालिमा पतन्जली योग समितिका सदस्यहरु, सशस्त्र प्रहरी, नेपाल प्रहरी , विद्यार्थी तथा स्थानीयको सहभागिता रहेको थियो ।
नेपालमा विसं २०३६ माघ १ गतेदेखि सूर्य उत्तरायण लाग्ने दिनको अवसर पारेर योग दिवस मनाउन थालिएको थियो।
माघ १ गते मनाउने गरिएको विश्व योग दिवस २१ जुनमा मनाइएपछि नेपालका अभियानकर्मीहरुले माघ १ लाई राष्ट्रिय योग दिवस घोषणा गर्न शान्ति तथा पुनर्निर्माण मन्त्रालय मार्फत् मन्त्रिपरिषद्मा प्रस्ताव गरेका थिए।
नेपाल सरकारले विसं २०७२ साउन २८ गते तत्कालीन शान्ति मन्त्री नरहरि आचार्यको प्रस्तावमा माघ १ गतेलाई राष्ट्रिय योग दिवस घोषणा गरेको थियो।
सम्बन्धित समाचार
