अत्तरिया – कैलालीको गोदावरी नगरपालीका वडा नम्बर ८ स्थीत स्याउलेमा आयोजीत महायज्ञमा करिब १३ लाख बराबर सहयोग संकलन भएको छ ।
गौशाला निर्माणको उदेश्य सहित माघ १५ गतेदेखी स्याउलेको विश्वनाथ महादेव मन्दिरमा आयोजना गरीएको महायज्ञमा तुलादान,सालीग्राम,कलश,भेटी,अन्नदान लगायतबाट करिब १३ लाख बराबरको सहयोग संकलन भएको महायज्ञका संयोजक गोपाल देउवाले जानकारी दिए । एकिन हिसाब निकाल्न बाँकी रहेको भएपनी मोटामोटी १३ लाख सहयोग संकलन भएको उनले बताए ।
महायज्ञमा लागेको खर्च कटाएर बाँकी गौशाला निर्माणमा लगाईने उनले बताए । महायज्ञमा ३१ जनाको तुलादान गरीएको छ । त्यस्तै महायज्ञमा सालिग्रामपुजा ९८ जनाले गरेका छन् भने ५०८ जनाले कलशकोलागी रसिद काटेका छन् । महायज्ञको आज समापन गरीएको छ ।
