गोदावरीको बल्मीमा स्कुल बस दुर्घटना

Image

अत्तरिया – पूर्वपश्चिम राजमार्ग अन्तरगत कैलालीको गोदावरी नगरपालिका वडा नम्बर ९ स्थीत बल्मीमा स्कुल बस दुर्घटना भएको छ ।

सोमबार (आज) दिउँसोे गोदावरी ८ मा रहेको दुर्गाज्योती ईङ्लिस बोर्डिगं स्कुलको से०१००१ख२१८२ नम्बरको बस दुर्घटना भएको हो ।

विद्यालय समयपछी विद्यार्थी छोड्न जान लागेको उत्त बसमा २७ जना विद्यार्थी रहेको र दुर्घटनामा २ जना घाइते भएको स्याउले अस्थाई प्रहरी पोस्टले जनाएको छ ।

घाइते हुनेमा विप्लब खड्का र प्रकाश रावत रहेका छन् । उनीहरुलाई उपचारको लागि पदमा अस्पताल लगिएको छ ।

अन्यको अवस्था सामान्य रहेको बताईएको छ । आफ्नै विद्यालयको अर्को बसलाई ओभरटेक गर्न खोज्दा बस दुर्घटना भएको स्याउले अस्थाई प्रहरी पोस्टले जनाएको छ ।

बस चालक ३५ वर्षीय सैतुराम चौधरीलाई नियन्त्रणमा लिईएको र घटनाको थप अनुसन्धान भईरहेको जनाईएको छ ।