अत्तरिया – कैलालीको गोदावरी नगरपालिका वडा नम्बर २ स्थीत तेघरीमा रहेको जनकल्याण इङ्गलिस स्कुलले आमाहरुलाई दर खुवाएर तिज विशेष कार्यक्रम मनाएको छ । स्कुलले आज आफ्नै प्राङ्गगणमा अभिभावक आमाहरुलाई भेला गरि दर खुवाउँदै तिज विशेष कार्यक्रम सम्पन्न गरेको हो ।
विद्यालयका संस्थापक यज्ञ बहादुर हमालकी आमा मनुदेवी हमालको अध्यक्षतामा भएको उत्त कार्यक्रममा सुदूरपश्चिम प्रदेश सभा सदस्य खेमा देवी विष्ट प्रमुख अतिथि रहेकी थिईन् । कार्यक्रममा विभिन्न संघ संस्थाका प्रतिनिधि,अभिावक तथा शिक्षक,विद्यार्थीको उपस्थिति रहेको थियो ।
कार्यक्रमबारे प्रष्ट पार्दै संस्थापक हमालले अभिावकसंग भेटघाटको अवसर पनि जुर्ने भएकोले दर खुवाउने गरि तिज विशेष कार्यक्रमको आयोजना गरिएको बताए । कार्यक्रममा बोल्दै प्रदेश सभा सदस्य विष्टले हामीले आफ्नो संस्कृति भुल्न नहुने बताईन् ।
उनले कुशल नेतृत्व उत्पादनमा जनकल्याण इङ्गलिस स्कुलले लामो समयदेखी महत्वपुर्ण भुमीका निभाउँदै आएको भन्दै आमाहरुलाई दर खुवाएर नयाँ थिति बसाएको बताईन् ।
विद्यालयकी अभिभावक उर्मीला मल्लले विद्यालयले आमाहरुलाई बोलाएर भेटघाट गरि रमाइलो गर्ने प्रदान गरेको भन्दै स्कुललाई धन्यवाद व्यत्त गरिन् । जनकल्याण इङ्गलिस स्कुलको आगनमा उपस्थित भएका महिलाहरुले दर खाँदै नाचगानगरि रमाइलो गरेका थिए ।
