अत्तरिया – कैलालीको अत्तरियामा जारी सृजनशिल गोदावरी सांस्कृतिक महोत्सवको अवधी दुई दिन थप गरिएको छ ।
यसअघि महोत्सव पुस १९ गतेसम्म सञ्चालन हुने भनिएकोमा दुई दिन अवधी थप गरी पुस २१ गतेसम्म सञ्चालन गरिने आयोजकले जनाएको छ ।
सृजनशिल युवा क्लबको आयोजनामा अत्तरियाको पूर्वरोडस्थित खुल्ला चौरमा चलिरहेको महोत्सव यहि पुस २१ ग्तेसम्म सञ्चालन हुने आयोजकले जनाएको छ ।
दर्शकको माग अनुसार महोत्सवको अवधी थप गरिएको क्लबका अध्यक्ष नर राईले बताएका छन् । महोत्सवको पुस ९ गते एक कार्यक्रमका बिच गोदावरी नगरपालिकाका नगर प्रमुख वीरेन्द्र भट्टले उद्धघाटन गरेका थिए ।
महोत्सवमा विद्यार्थीलाई ५० रुपैयाँ टिकट र अन्यलाई १०० रुपैयाँ टिकट तोकिएको छ भने ज्येष्ठ नागरिक र अपांगता भएका व्यक्तिहरुलाई प्रवेश निशुल्क गरिएको छ ।
महोत्सवमा आज नायक पल शाहलगायतको प्रस्तुती रहनेछ ।
