धनगढी – कैलालीको भजनी नगरपालिका–९ खुरुरियामा गाेठमा मृत अवस्थामा फेला परेकी महिलाकाे श्रीमानबाटै हत्या भएकाे खुलेकाे छ ।
गत मंगलबार हाेलीकाे दिन बिहान स्थानीय ५५ वर्षका प्रेमलाल चौधरीकाे श्रीमती अन्दाजी ५० वर्षीया माना देवी चौधरी आफ्नै घर नजिकै रहेको बाख्राको गोठमा मृत फेला परेकी थिइन् ।
शरीरमा चोटपटक लागेको अवस्थामा मृत भेटिएकि चाैधरीको उनकै श्रीमानले हत्या गरेकाे खुलेकाे जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) याेगेन्द्र तिमिल्सिनाले बताए ।
उनकाअनुसार आपसी विवादका क्रममा प्रेमलालले श्रीमतीकाे हत्या गरेकाे स्वीकार गरेका छन् ।
आमाकाे हत्यापछि बुवाविरूद्व छाेरा २८ वर्षीय मगरु चौधरीले कारवाहीकाे माग गर्दै कर्तव्य ज्यान शिर्षकमा जाहेरी दिएका छन् ।
उनलाई नियन्त्रणमा राखेर थप अनुसन्धान भइरहेको प्रहरीले जनाएको छ ।
