दुरदर्शनमा प्रसारित बिआर चोपडाको सिरियल महाभारतमा भीमको भूमिका निभाउने अभिनेता प्रविण कुमारको निधन भएको छ । उनी ७४ वर्षका थिए ।
महाभारत धारवाहिकबाहेक उनले अन्य थुप्रै धारावाहिक र बलिउड फिल्ममा पनि अभिनय गरेका थिए । फिल्ममा काम गर्नु अघि प्रविण एक खेलाडीसमेत थिए ।
उनको निधनमा धारावाहिकमा युधिष्ठिरको भूमिका निभाउने गजेन्द्र चौहानले ट्वीट गरेर शोक व्यक्त गरेका छन् । उनले लेखेका छन्, ‘आज बिहानै एक दुःखद समाचार पाएँ । मेरा महाभारतका भाइ प्रविण कुमारजीले हामी सबैलाई छोडेर अनन्त यात्रामा निस्किएका छन् । विश्वास लागिरहेको छैन । तपाईं सधैँ स्मरणमा रहिरहनु हुनेछ ।’
