Attariya Hospital Pvt.Ltd.

चितवन मेडिकल कलेजले गर्‍यो डेढ महिनाकी बालिकाको मुटुको शल्यक्रिया

padma

चितवन – चितवन मेडिकल कलेजमा ४१ दिनकी बालिकाको मुटुको शल्यक्रिया भएको छ। उनी गत चैत २५ गते आमाको गर्भमा बसेको ७ महिनामै जन्मिएकी थिइन्।

नारायणी सामुदायिक अस्पतालमा जन्मिएलगत्तै उनको स्वास्थ्य खराब हुन थाल्यो। जन्मँदा उनको तौल मुस्किलले १ किलो थियो। तुरून्तै एनआइसियुमा राख्नुपर्ने भयो। परिवारले उनलाई भरतपुर अस्पतालको एनआइसियुमा लगेर राख्यो।

स्वास्थ्य जाँच गर्दा उनको मुटुमा खराबी देखियो। मुटुको तत्काल शल्यक्रिया गर्नुपर्ने भयो। नवजात शिशुको शल्यक्रिया गर्नुपर्ने जानकारीले कमजोर आर्थिक अवस्था भएका बुवा अनिल पुरीलाई चिन्तित बनायो। उनीसँग छोरीको शल्यक्रिया गर्ने खर्च त थिएन नै, उनले धेरै आशा राखेको भरतपुर अस्पतालमा मुटुको शल्यक्रिया सेवा पनि थिएन। शल्यक्रिया गर्न सक्ने अन्य अस्पतालमा उनको पहुँच पनि थिएन।

om

छोरीको अवस्थाका कारण चिन्तित पुरीको परिवारको अन्ततः चितवन मेडिकल कलेजले हात थाम्यो।

Shikhar Dental

यहाँको स्वास्थ्यकर्मीहरूको समूहले करिब ८ घण्टा लगाएर यी बालिकाको शल्यक्रिया गरे। अहिले उनको स्वास्थ्यमा सुधार भइरहेको शल्यक्रियाको नेतृत्व गरेका डाक्टर अनिल आचार्यले बताए।

‘अक्सिजन लगाएर आएकी बालिकालाई शल्यक्रियापछि एक दिन भेन्टिलेटरमा राखियो ३ दिनपछि त सामान्य अवस्थामै भरतपुर अस्पताल नै पठाउन सक्यौं,’ डाक्टर आचार्यले भने, ‘अहिले उनको स्वास्थ्यमा सुधार भइरहेको छ। तौल बढ्दै गएको छ। छिट्टै डिस्चार्ज भएर घर फर्कन सक्ने हुन्छिन्।’

चितवन मेडिकल कलेजका मुटु, फोक्सो र रक्तनली शल्यक्रिया विभाग (सिटिभिएस)का सर्जन डा.आचार्यका अनुसार यो शल्यक्रिया जटिल भने होइन। तर मुटुको शल्यक्रिया गर्ने चिकित्सक, बिरामीलाई बेहोस बनाउने र एनआइसियुका जनशक्ति दक्ष नहुँदासम्म यस्तो शल्यक्रिया सुरू गर्न सहज हुँदैन।

‘बच्चाको फोक्सो र रक्तनलीको बीचमा रहेको कनेक्सन (पिडिए) जन्मिएपछि बन्द हुनुपर्छ, तर त्यो नभएर यी बालिका एक महिनादेखि एनआइसियुमै अड्किरहेकी थिइन्। उनलाई अक्सिजन, एन्टिबायोटिक चाहिराख्ने भएको थियो,’ डा.आचार्यले भने, ‘सरकारी अस्पतालबाट रिफर भएर यहाँ आयो। हामीले अपरेसन गरेर पठायौं।’

बालिकाका बुवा पुरीले छोरीको सुरूको अवस्था देख्दा र जन्मिने बित्तिकै अपरेसन गर्नुपर्ने भयो भन्ने सुन्दा चिन्तित भए पनि शल्यक्रिया सफल भएर छोरीलाई निको हुँदै जाँदा खुसी भएको बताए।

डा.आचार्यले अस्पतालले जुनसुकै उमेर समूहका व्यक्तिको उपचारका लागि आवश्यक स्रोत र साधन उपलब्ध गराएका कारण उपचारमा सहज भएको बताए।

Nawadurga
Leave A Reply

Your email address will not be published.