अत्तरिया – कैलालीको गोदावरी नगरपालिका वडा नम्बर-५ मा रहेको सरस्वती नमूना माध्यमिक विद्यालयको २ कोठे प्रशासकीय भवनको शिलान्यास गरीएको छ ।
बुधबार गोदावरी नगरपालिकाका नगर प्रमुख विरेन्द्र भट्टले भवनको शिलन्यास गरेका हुन । नगरपालिकाले सञ्चालन गरेको नमुना विद्यालय कार्यक्रम अन्तरगत चालु आर्थिक वर्ष २०८१/८२ मा भवन निर्माण भईरहेको हो ।
केही बर्ष अगाडिसम्म गोदावरी नगरको बुढीतोला, फूलवस्ती, सिमका ग्रामीण क्षेत्रका विद्यालय जीर्ण रहेका ठाउँमा नयाँ भवन निर्माण गरेको थियो । ।
शैक्षिक गुणस्तर बढाउनका लागि गोदावरी नगरपालिकाले सामुदायिक विद्यालयको तह मिलान तथा समायोजन गरेको नगर प्रमुख भट्टले बताएका छन् ।
५६ सामुदायिक विद्यालय सञ्चालनमा रहेको गोदावरीमा २१ माध्यमिक र ३ ओटा धार्मीक विद्यालय सहित ३६ ओटा आधारभूत तहका विद्यालयहरु रहेका छन् ।
यस्तै, प्राविधिक शिक्षा अन्तरगत दुर्गालक्ष्मी नमूना माविमा कम्प्युटर शिक्षा पढाई भै रहेको छ । एक वडा एक नमूना कार्यक्रम अनुरुप गोदावरी नगरपालिकाले २४ लाख रुपैयामा विद्यालयको २ कोठे पक्कि भवन निर्माण भैरहेको हो ।
बाह्य सामग्रीहरूको लागि टेण्डर प्रक्रिया मार्फत काम अगाडि बढाउने विद्यालय व्यवस्थापन समिति अध्यक्ष दीर्घराज भट्टले बताएका छन ।
