अत्तरिया – नेकपा (एमाले)का सुदूरपश्चिम प्रदेश कमिटि सदस्य गोकर्ण भट्टल पार्टी परित्याग गरेका छन् ।
भट्टले शुक्रबार सामाजिक सन्जाल फेसबुक मार्फत राजनितिक दलहरुको भूमिकामाथि असन्तोष जनाउँदै अब एमालेमा रहन नसक्ने बताएका हुन् ।
२०७४ र २०७९ सालको स्थानीय तहको निर्वाचनमा नगर प्रमुखका उम्मेदवार बनेका भट्ट पराजित भएका थिए ।
भट्टले २०७५ सालमा एमाले र माओवादी एकीकरणपछि गोदावरी नगर कमिटी अध्यक्षको जिम्मेवारी सम्हालेका थिए ।
उनले आफू अब स्वतन्त्र नागरिकको हैसियतमा समाज र देशका लागि आफ्नो क्षमताले भ्याएसम्म सेवा गर्ने उल्लेख गरेका छन् ।
