अत्तरिया – राष्ट्रिय स्वतन्त्र पार्टी (रास्वपा) को कैलालीको गोदावरी नगर समितिको प्रथम अधिवेशन सुरु भएको छ ।
अत्तरिया स्थित नमस्ते पार्टी प्यालेसमा केही बेरअघि सुरु भएको नगर अधिवेशनको खुला सत्र सकिएको छ ।
नगर उपसभापति रामचन्द्र सापकोटाको सभाअध्यता तथा केन्द्रिय संगठन विभाग सदस्य कविन्द्र ठकुल्लाको प्रमुख आतिथ्यतामा खुला सत्र सम्पन्न भएको हो ।
नगर कमिटि सदस्य लोकेन्द्र धामीको स्वागत मन्तव्यसंगै सुरु भएको कार्यक्रमको संचालन युवराज चापागाईंले गरेका थिए ।
केहिबेरमा सुरु हुने बन्दसत्रले नयाँ नगर समिति चयन गर्ने छ ।
समिति चयनको प्रक्रिया पूरा गर्न भूपेश महराको संयोजकत्वमा तीन सदस्यीय निर्वाचन समिती गठन गरिएको छ ।
