अत्तरिया – सर्पको टोकाईबाट कैलालीको गोदावरीका एक बालकको मृत्यु भएको छ ।
गोदावरी नगरपालिका–६ का पाँच वर्षीय रियान साउदको सर्पदंशबाट उपचारका क्रममा मृत्यु भएको इलाका प्रहरी कार्यालय मालाखेतीले जनाएको छ ।
सागर साउदका छोरा रियानलाई गत साउन २३ गते दिउँसो आफ्नै घरको कोठामा सुतिरहेको अवस्थामा नाम नखुलेको सर्पले दायाँ खुट्टामा टोकेको थियो ।
सर्पदंशबाट घाइते भएपछि उनलाई उपचारका लागि सेती प्रादेशिक अस्पताल धनगढी लगिएको थियो ।
उनको उपचारकाक्रममा आज सोमबार मृत्यु भएको प्रहरीले जनाएको छ ।
