अत्तरिया – कैलाली उद्योग वाणिज्य संघको महासचिवमा अत्तरियाका दिनेश लम्साल विजयी भएका छन् । पुष्करराज ओझा प्यानलबाट उम्मेदवार बनेका लम्साल प्रतिस्पर्धी सुरेश पाण्डेयलाई ७२ मतले पराजित गर्दै महासचिवमा निर्वाचित भएका हुन् । पाण्डेयले ८३४ मत प्राप्त गर्दा लम्सालले ९१२ मत पाएका थिए । अत्तरिया बसोबास गर्दै आएका लम्सालले अत्तरिया र धनगढीमा नविन दाना उद्योग सञ्चालन गर्दै आएका छन् ।
ओझा नेतृत्वको प्यानलबाट ओझासहित तीन उपाध्यक्ष र एक महासचिव विजयी भएका छन्। संघको वरिष्ठ उपाध्यक्षमा रुपेश स्वाँर प्यानलका केशवराज जोशी विजयी भएका छन् । उनी ओझा प्यानलका ओम बिष्टलाई पराजित गर्दै विजयी भएका हुन् ।
यस्तै उद्योग उपाध्यक्षमा स्वाँर प्यानलकै लक्ष्मणराज पन्त, एसोसियट उपाध्यक्षमा ओझा प्यानलका मनोज अग्रवाल, वाणिज्य उपाध्यक्षमा पनि ओझा प्यानलकै गगनराज केसी र वस्तुगत उपाध्यक्षमा ओझा प्यानलकै भीमराज ओझा अब्बु विजयी भएका छन्।
यस्तै, कोषाध्यक्षमा तिलकबहादुर बोहरा र सचिवमा प्रकाशकुमार चन्द विजयी भएका छन् । दुबै उम्मेदवार स्वाँर प्यानलबाट चुनाव लडेका थिए। यस्तै सदस्यमा शुभशंकर ठाकुर, तेज बम, अम्बिका भण्डारी, अजय पाण्डेय, धुव्रराज दाहाल, तर्कराज भट्ट, सुरेश सापकोटा, मन्जु भट्ट, बमबहादुर कुँवर, कमला भट्टराई, प्रेमबहादुर धामी, देवराज जोशी र प्रमिला पाठक विजयी भएका छन्।
संघको नयाँ नेतृत्व चयनका लागि शनिबार मतदान भएको थियो। दुई हजार तीन सय ३५ मतदाता रहेकोमा एक हजार नौ सय ४० मत खसेको थियो। नौ पदाधिकारी र १३ सदस्य गरी २२ पदका लागि भएको निर्वाचनमा ५० जनाको उम्मेदवारी थियो।
